الأحد، 4 أبريل 2010

الحلقة الثانية من برنامج يوميات شري المطبخ نهاية الاسبوع

الكاتبة : shery nawar الوقت : 11:43 م  

التصنيف :

4 ملاحظات:

غير معرف

ما شاء الله عليكو بجد شيء جميل جدا ومفيد الحلقات دي وعاجبنى جدا مشاركه زوجك يا شري وانه مدعمك ومش بيعتبرها تضييع وقت زي كتير من الرجاله
وتحيه ليكي على موقعك اللي بجد اكتر من رائع وعلى فكره انا عملت اكلات كتير من اللي منزلاها هنا زي
شوكولاه بودينج وكانت روعه وكمان رز بالكزبره لمنال العالم وكان توحفه وعجب البيت هنا اوي ده غير القلقاس وكمان كروكيت الفراخ وكان رائع جدا
ربنا بجد يحميكوا ويخليكوا لبعض ولكل اعضاء الموقع
وبالنسبه للحلقه الاولى ففعلا انتو الاتنين كلامكوا منطقي جدا وانت عندك حق وهو كمان وفعلا ضروري جدا توزيع الادوار في الحياه الزوجيه وكمان لازم الراجل يدعم مراته ولو بكلمه شكر بتفرق كتير والله

7 أبريل 2010 في 1:29 ص  
غير معرف

ضحكنى اوي الفيديو التانى
فعلا الانشوجه دي ما ينفعش تتحط في الاكل ولازم الشيفات يبسطوا الاكل شويه عشان يساعدونا نتشجع ونجرب الاكل ده والصراحه الشيف حسن ده بحس انه بيعك كتير لكن يسري جربتله حاجات كويسه والافضل فعلا منال بحس انى بتفرج على ماما وهي بتطبخ عشان بتشرح شرح وافي جدا عن الوصفه
وانت شجعتينى اعمل كيكه الموز دي هاجربها ان شاء الله وهاقولك
وكلام زوجك صح جدااااااااا احنا عايزين نعرف عن الاكل بتاعنا اكتر

7 أبريل 2010 في 1:46 ص  
غير معرف

بجد مجهود تشكري عليه يا شري وحلو ان احنا نستغل الوقت في عمل شيء مفيد ليكي ولغيرك وكنت بسأل هل كل الوصفات اللي مكتوبه متجربه ولا لا لانى مش بعمل غير الوصفات المسجله على فيديو عشان بتبقى قصاد عينيه

7 أبريل 2010 في 6:26 ص  
غير معرف

انتو جيتو على الجرح انا فعلا مش بعرف اعمل قرنبيط وما اعرفش طريقه الكبسه ممكن لو في فيديو او طريقه مكتوبه عشان اعملها انا اشتريت بهارات الكبسه وهي دي اللي اعرفه عنها هههههههه
مشكوره على مجهوداتك ومشكور زوجك على تعاونه معاكي
وعايزين السلسله دي على طول عشان نستفيد وممكن تبقوا تسالوا الناس هنا ايه المواضيع اللي بنحب نتناقش فيها عشان تبقوا تناقشوها ومن ضمنها ازاي اختار زوج المستقبل وايه الحاجات اللي لازم ما اتنازلش فيها وايه اللي ممكن اتنازل فيه وايه حقوقي وواجباتى
اصلي اتقدملي عرسان والموضوع مش بيكمل يا اما بسبب تدخل الاهل او ضعف الامكانيات
وهل فعلا ممكن الانسان كويس ومستقبله كويس انى اضحي بالمستوي اللي عايشه فيه واقبل الزواج منه وهل فعلا تقدر البنت تستحمل انها تعيش في مستوى مادي اقل من مستواها ولو استحملت سنه هل هاتستحمل التانيه
هانرجعكوا بقى لايام الخطوبه والذي مضى واهو نسأل اهل الخبره برده

7 أبريل 2010 في 6:35 ص  

إرسال تعليق

الاشتراك في: تعليقات الرسالة (Atom)

يوميات شري   © 2008. Template Recipes by Emporium Digital

TOP